Laurdag 16. mars var 6 karar på plass ved kunstgrasbana på Ostereidet for å rydde busker og tre på dugnad.

Jahn Tommy Midtgård stilte med traktor og kvistemaskin, Kristoffer Dalland og Terje Thorsen rydda skog med motorsag og ungdommane frå G14, Brian Dalland, Thomas V. Thorsen og Andrè M. Espevoll rydda greiner og kvist.

Etter 3 timar effektiv rydding, ser det no mykje lysare og betre ut ved fotballbana. Takk for at de tok dykk tid og tusen takk for innsatsen, guttar!

Vel møtt til Eikanger I.L sitt Fotballakademi 2024! Oppstart 1. april. 

Påmelding via denne lenkja: https://forms.gle/epUTQ3VYjAomTyC69 

Torsdag 7. desember kl.16.30 var det mange samla på Ostereidet Kunstgrasbane for å feire den store pengestøtta frå Equinor. Equinor gir 100.000kr i pengestøtte til Eikanger IL sitt Fotballakademi. 

Leiaren i Eikanger IL, fotball, Helge Rasmussen tok imot gåvesjekken frå Benedikte Fanebust Søreide frå Equinor. Eikanger IL er særs glade for pengestøtta og skal no starte planlegging av nytt Akademi og vidareutvikle spelarar som brenn for vidare utvikling som fotballspelar. 

Kvaliteten på klubben veks, spesielt etter det nye, flotte anlegget som vart opna hausten 2022. Klubben vert stadig større og har no fleire fotball-lag enn på lenge. Med pengestøtte frå Equinor og gode sponsorar, kan Eikanger IL fortsette å vidareutvikle klubben i rett retning og ikkje minst utvikle gode fotballspelarar.

Fotballspelar Nathaniel på G14 er særs fornøgd med den store pengegåva. 

Eikanger IL takkar for at så mange ville kome og støtte opp om denne markeringa.

Det var god stemning med fyr i bålpanna, musikk, gløgg, pepperkaker, klementiner, kaker og kaffi. 

Alle frammøtte fekk kvar sitt lodd og førstepremien gjekk til Linnea Vatshelle Thorsen som vann flott fruktkorg frå Rema1000 Ostereidet. 

Eikanger IL, fotballakademi, har fått 100.000kr i støtte frå Equinor. Dette er midlar som skal brukast til aktivitet og utstyr på born og unge i alderen 9-19år på fotballakademiet til idrettslaget.

På torsdag 7.desember er alle, spesielt dei i fotballgruppa, invitert til feiring. Det vert overrekking av gåvesjekk og utdeling av andre gåver/effekter frå Equinor.

Velkommen kl.16.30 på Ostereidet Kunstgrasbane, torsdag 7.desember. 

Eikanger IL, fotballgruppa, sel store, gode og vindsterke paraplyar til kr 250,-

Alle trenarar/lagledarar tek imot bestilling (sjå liste). De avtalar levering via dei. 

Ellers kan de sende bestilling via epost til leder.fotball.eikanger@gmail.co

Levering og betaling skjer etter avtale (Vipps #127747)

Ein slik paraply er god å ha på sidelinja når du heiar på laget ditt eller rett og slett i ein vanleg regnfull kvardag ut på tur. 

Takk for at du støttar idrettslaget ditt.