Vinterkarusell 3 på Eikanger laurdag

Lagt ut av Stanley Hauge den 18. Nov 2019

Tredje løpet i Eikanger IL sin vinterkarusell vert arrangert laurdag 23. november. Starten går presis kl. 15.00 for løpsklassen, medan dei utan tid kan starta så snart dei har meldt seg på. 

I karuselløypa på ca. 2,2 km rundt Eikangervågen, populært kalla «Brua rundt», vert det fire løp før jul og fem etter nyttår. Løypa går i lett terreng rundt  vågen og høver for folk i alle aldrar.

Startkontingent
Born til og med 15 år kr 25,-
Vaksne kr 50,-
Familie kr 100,-
(vaksne + born t.o.m. 15 år (f. 2004 og seinare)

Løpsdatoar
Løpa har laurdag som fast løpsdag, med start og mål ved Eikanger skule. Starten er presis kl. 15.00, medan påmeldinga startar ein god halv time tidlegare. Dei som deltek utan tidtaking, kan starta straks dei er påmelde.

Løpsdatoane for løpa før nyttår er: 12. oktober, 2. november, 23. november og 14. desember.

Første løp etter nyttår vert laurdag 4. januar, deretter vert det løp 25. januar, 15. februar, 7. mars, og 28. mars.

Vinterkarusellhefte2019-20-nett.pdf

Premiering
Det vert trekt ut premiar på startnummer ved kvart løp. Alle som deltek i minst tre løp gjennom sesongen, får medalje. For dei som er med år etter år er det sett opp premiar for 30 startar, 75 startar, 100 startar og oppover.

Det vert sesongpremiar til alle som er med i minst tre løp:

7-9 startar – gull
5-6 startar – sølv
3-4 startar – bronse

40-årsjubileum
Det første vinterkaruselløpet vart skipa til på Kløvheim 22. desember 1979. 40-årsjubileet vil verta markert ved løpet 14. desember i år. Me kjem snart attende med meir informasjon om dette løpet.

Tekst og foto: Stanley Hauge


0 Kommentar

Kommentarar

Logg inn for å skrive en kommentar.

Levert av IdrettenOnline