Vinterkarusell laurdag 9. april på Eikanger

Laurdag 9. april vert det 6. og nest siste løpet i  vinterkarusellen denne sesongen arrangert på Eikanger. Påmelding frå kl. 14.20. Start løpsklassen presis kl. 15.00.

Løypa er den velkjente på ca. 2,2 km rundt Eikangervågen med start og mål ved Eikanger skule.

Løpsdatoar

Denne sesongen vert det halde 7 løp: 23. oktober, 13. november, 11. desember, 8. januar (avlyst) 2022, 5. februar, 12. mars og 9. april. Nytt løp vert 1. mai.

Løpa har laurdag som fast løpsdag, med start og mål ved Eikanger skule. Starten er presis kl. 15.00, medan påmeldinga startar ein god halv time tidlegare. Dei som deltek utan tidtaking, kan starta straks dei er påmelde.

Jubileumsløp 1. mai

Karusellavsluttinga vert søndag 1. mai (obs: ikkje laurdag 30. april som tidlegare annonsert). Løpet måtte flyttast ein dag på grunn av anna tilskiping på skulen laurdag.

Dette løpet vert også jobileumsløp i samband med at det 1. mai er 70 år sidan Eikanger IL vart skipa. Me kjem med meir informasjon om dette seinare.

Startkontingent

Born til og med 15 år       kr 25,-

Vaksne                            kr 50,-

Familie                            kr 100,-

(vaksne + born t.o.m. 15 år (f. 2006 og seinare)

Premiering 
Ved kvart løp vert det trekt ut ein del premiar på startnummer. Det vert også enkle premiar til raskaste kvinne og mann ved kvart løp.

Etter sesongen vert det medaljar til alle som har fullført minst tre løp.

 Medaljar vert delte ut slik:

6-7 startar: Gull

4-5 startar: Sølv

3 startar: Bronse 

 Premiar for mange løp

Det vert delt ut pokalar til dei som passerer 30 startar, 75 startar, 100  startar, 150 startar, 200 startar og 250 startar.

Me oppmodar alle til å trena og trimma godt framover. Fysisk aktivitet gjor godt både for kropp og sjel. Men hugs: hald god avstand.

Tekst og foto: Stanley Hauge