Nyttårskarusell laurdag 11. januar

Godt nytt år til alle trimmarar og velkomen til 2025-sesongen. Fjerde løpet i Eikanger IL sin vinterkarusell vert nyttårsløpet som vert arrangert laurdag 11. januar 2025. Starten går presis kl. 15.00 for løpsklassen, medan dei utan tid kan starta så snart dei har meldt seg på. 

Påmelding frå kl. 14.20.

I karuselløypa på ca. 2,2 km rundt Eikangervågen, populært kalla «Brua rundt», vert det fire løp etter nyttår. Løypa går i lett terreng rundt  vågen og høver for folk i alle aldrar.

Startkontingent
Born til og med 15 år    kr 25,-
Vaksne                          kr 50,-
Familie                          kr 100,-
(vaksne + born t.o.m. 15 år (f. 2010 og seinare)

NB: Hugs på å levera inn att startnummeret etter du er komen i mål.

Løpsdatoar
Løpa har laurdag som fast løpsdag, med start og mål ved Eikanger skule. Starten er presis kl. 15.00, medan påmeldinga startar ein god halv time tidlegare. Dei som deltek utan tidtaking, kan starta straks dei er påmelde.

Første løp etter nyttår vert laurdag 11. januar, deretter vert det løp 8. februar, 15. mars, og 5. april.

Premiering
Det vert trekt ut premiar på startnummer ved kvart løp. Alle som deltek i minst tre løp gjennom sesongen, får medalje. For dei som er med år etter år er det sett opp premiar for 30 startar, 75 startar, 100 startar og oppover.

Det vert sesongpremiar til alle som er med i minst tre løp:

6-7 startar – gull
4-5 startar – sølv
3 startar – bronse

Bakeriet i gamleskulen 
Bakeriet i gamleskulen er ope laurdag 11. januar kl. 14.00-17.00. Stikk gjerne innom for test/kjøp av bakarvarer.

Tekst og foto: Stanley Hauge