Søndag 15. september arrangerte Eikanger IL serieturnering i fotball for gutar og jenter, 9 år. Trass ein grå og noko regntung dag, viste det seg å vere eit folkerikt og vellukka arrangement.

Det var 21 lag påmeldt frå fleire ulike klubbar, blant anna Nordre Holsnøy, Radøy FK, Kvernbit, Austrheim, NBK Alvidra og NBK Knarvik og Eikanger. 30 kampar vart spelte, dei spela 5’er fotball, med kampar som varte 1*20 minutt.

Fotballgruppa i EIL arrangerte denne serieturneringa i samarbeid med G/J9 og deira føresette. Oppgåver som parkeringsvakter, dommarar, kakebakarar, folk til å stå i kiosk, ta imot påmeldingar, lage kampoppsett, klargjering av baner o.a., skulle fyllast. Her var det mange involverte og frivillige som gjorde ein kjempeinnsats for å få arrangementet til å flyte.

Tidlegare i haust arrangerte Eikanger IL dommarkurs. 15 ungdommar frå Eikanger IL G13 og G14 gjennomførte og bestod dommarkurset. Mange av desse ungdommane fekk dommardebuten sin under denne serieturneringa.

Tusen takk til alle som har vore med. Alle bidrag har vore viktige for å kunne gjennomføre dette flotte arrangementet på dugnad.  

Onsdag 11. september leigde Eikanger Idrettslag inn Samir Valdersnes for å gjennomføre livredningskurs til kommande badevaktsesong.

Ni badevaktar vart kursa i HLR og stabilt sideleie i klubbhuset, før dei entra bassenget for den praktiske delen. 

No ventar gyldig kursbevis i posten til alle dei dyktige badevaktane våre.

Ope basseng opnar i veke 39. Vel møtt til bading i 29 grader gjennom heile vinteren (stengd i skuleferiane).