Søndag 15. september arrangerte Eikanger IL serieturnering i fotball for gutar og jenter, 9 år. Trass ein grå og noko regntung dag, viste det seg å vere eit folkerikt og vellukka arrangement.

Det var 21 lag påmeldt frå fleire ulike klubbar, blant anna Nordre Holsnøy, Radøy FK, Kvernbit, Austrheim, NBK Alvidra og NBK Knarvik og Eikanger. 30 kampar vart spelte, dei spela 5’er fotball, med kampar som varte 1*20 minutt.

Fotballgruppa i EIL arrangerte denne serieturneringa i samarbeid med G/J9 og deira føresette. Oppgåver som parkeringsvakter, dommarar, kakebakarar, folk til å stå i kiosk, ta imot påmeldingar, lage kampoppsett, klargjering av baner o.a., skulle fyllast. Her var det mange involverte og frivillige som gjorde ein kjempeinnsats for å få arrangementet til å flyte.

Tidlegare i haust arrangerte Eikanger IL dommarkurs. 15 ungdommar frå Eikanger IL G13 og G14 gjennomførte og bestod dommarkurset. Mange av desse ungdommane fekk dommardebuten sin under denne serieturneringa.

Tusen takk til alle som har vore med. Alle bidrag har vore viktige for å kunne gjennomføre dette flotte arrangementet på dugnad.  

På tysdag 27. august vert det prøvetrening for 1.klassingane i distriktet. Borna trener kl.17.00 - 18.00 på Ostereidet Kunstgras, medan foreldra møter i klubbhuset/sekretariatet oppe ved grusbana. Der vert det informasjon kring oppstart av 2018-kullet. Både gutar og jenter er velkomne. Vel møtt!

Laurdag 16. mars var 6 karar på plass ved kunstgrasbana på Ostereidet for å rydde busker og tre på dugnad.

Jahn Tommy Midtgård stilte med traktor og kvistemaskin, Kristoffer Dalland og Terje Thorsen rydda skog med motorsag og ungdommane frå G14, Brian Dalland, Thomas V. Thorsen og Andrè M. Espevoll rydda greiner og kvist.

Etter 3 timar effektiv rydding, ser det no mykje lysare og betre ut ved fotballbana. Takk for at de tok dykk tid og tusen takk for innsatsen, guttar!

Vel møtt til Eikanger I.L sitt Fotballakademi 2024! Oppstart 1. april. 

Påmelding via denne lenkja: https://forms.gle/epUTQ3VYjAomTyC69