Det vart ein tøff start på Lerum Cup for G13 laget til Eikanger. Dei 2 fyrste kampane enda 0-4 mot Øygarden 1 og 2-5 mot Eikelandsfjorden. Då det gjekk mot B-sluttspel, la laget og teamet rundt ein plan om å vinna det sluttspelet. I den siste kampen i gruppespelet på laurdag vann dei 4-2 mot Førde 1. Dette var ein god inngang til B-sluttspelet.

Så var neste hinder Øystese Blå.  Kampen enda 1-1, og Eikanger vann på flest corner. I 1/8 dels finalen venta Mathopen Grønn. Her varta laget opp med storspel og gav seg ikkje før det stod 5-1.

I kvartfinalen venta Bergen Nord. Her vart det 2-2 og sidan det var likt på corner, så gjekk kampen til straffekonk. I ein spennande straffekonk vann Eikanger 4-3.

Keeper Kian hadde ein fantastisk redning, og Casper kunne setta inn det avgjerande målet, til stor jubel blant spelarar og fans. I semifinalen venta Kjøkkelvik LOK Kvit. Her låg laget under 0-2 i fyrste omgang. Etter ein fantastisk 2. omgang stod det til slutt 5-3 til Eikanger. Fansen sang «Vi skal til finalen» så det ronga over Hafslo.

I finalen venta Øygarden 2, også her hamna laget under 0-1. Men som laget hadde vist før, med gode 2. omgangar, så kom dei også her tilbake. Når laget sette inn 3-1 med kort tid igjen kunne ein lukte sigeren. Når sluttsignalet gjekk, så braut jubelen laus. Eikanger har vunne B-sluttspelet i Lerum Cup. Fantastisk innsats av laget, trenarteamet og alle folka rundt laget. Dette var ein skikkeleg lagseier. I løpet av turneringa skora 9 av 13 spelarar mål.

Pokalen var sjølvsagt ei flott avslutning på turneringa, men det som sit sterkast att, er alt laget opplevde saman. Slike turneringar handlar om mykje meir enn fotball – dei handlar om vennskap, samhald og minner for livet. Den gode lagånda som pregar Eikanger G13 var tydeleg i kvar kamp, og var truleg den viktigaste grunnen til at laget klarte å snu motgang til suksess. Det er eit lag som spelar for kvarandre, løftar kvarandre og vinn saman.

Laget har også hatt ein solid vårsesong der laget kom på ein sterk 3. plass, berre 1 poeng bak Minde som vann.

Fredag 22. mai, etter skuletid, var sju born spente og klare for avreise til fotballcup i Øystese.

For dei fleste var dette første overnattingscup i karrieren, og både fotballsko, fotballdrakter,

nyinnkjøpte keeperhanskar og oppblåsbare madrassar var pakka og klare for 3 dagar med

fotballmoro.

2017-laget til Eikanger IL var heldige og fekk med seg to 2016-spelarar, og det var akkurat

passeleg for å få god rullering med drikkepausar under kampane. Laget imponerte stort og

hadde jamt tempo og pågangsmot på alle kampar både fredag, laurdag og sundag. Sjølv

med regn og noko gjørmete bane (dei var glade dei spelte tidleg kamp på grasbana

laurdag!), var stemninga på topp. Fredag var vi heldige og fekk sjå første omgang av

Øystese som spelte proff kamp i 6. divisjon, og laurdag var det badedisko på Hardangerfjord

hotell. Sjølv sov vi i klasserommet til 7B på Øystese skule, og med både vasskokar (for

kaffitørste foreldre), spel, og oppdekking til frukost og middag i nærleiken, var det ikkje rart at

nokre omtala sovestaden som eit hotell i særklasse.

Vi er stolte over barna som viser sportsleg glede og er omsorgsfulle ovanfor både lagvenar

og motspelarar. Både barn og foreldre hadde ein sosial og kjekk oppleving, og takkar

trenaren og arrangørane for eit godt gjennomført arrangement. Kanskje det kan gje

inspirasjon til fotballcup på heimebane ein gong i framtida?

Helsing

barn og foreldre i fotballgruppa 2017, Eikanger IL

Ei hektisk og innhaldsrik veke for Eikanger G13 enda med imponerande tre sigrar på seks dagar. Laget har verkeleg fått opp dampen og står no med 9 poeng etter fire kampar, noko som held dei heilt oppe på 2. plass på tabellen.

Veka starta måndag 28. april med ein dramatisk bortekamp mot Minde. Etter ein jamn og spennande kamp kunne Eikanger jubla for ein sterk 5–4-siger etter at vinnarmålet kom heilt i siste minutt. Målscorarar for Eikanger var Iver, Kristoffer, Leon og Luca, medan Leon sikra sigeren med sitt andre mål for dagen.

Berre to dagar seinare venta Rosendal på heimebane. Der leverte Eikanger ein offensiv festfotball og vann heile 10–5. Kampen bølgja fram og tilbake, men Eikanger viste stor styrke framover på bana. Leon og Luca var toneangivande med fleire scoringar, medan Sebastian og Kristoffer òg skreiv seg inn på scoringslista. Publikum fekk sjå eit lag som spelte med høgt tempo, mykje energi og flott angrepsspel.

Søndag 4. mai stod Radøy på motsett banehalvdel. Her leverte Eikanger det som kanskje var sesongens beste kamp så langt. Heimelaget vann fortent 6–3 etter ein svært solid laginnsats. Leon opna målshowet, før Kian og Sebastian bidrog med viktige scoringar. Heile laget stod fram med stor innsatsvilje, godt samspel og imponerande energi gjennom heile kampen 🤩

Med tre sigrar på seks dagar har Eikanger G13 verkeleg fått ein pangstart på sesongen. No ventar bortekamp mot Jondal komande sundag. Det er sett opp buss til kampen, så her er det berre å hive seg med og støtta laget vidare.

Frå www.bt.no: 

Tredje seier på rad for Eikanger

Storseier for Eikanger

Eikanger slo Minde i målfest