Kvamme først på 5-talet i karusellen

Svein Roar Kvamme vart laurdag den første som sprang under seks minuttar og noterte ei tid på 5-talet i vinterkarusellen på Eikanger. 5.58 er den nye rekorden rundt Eikangervågen.

Kvamme slo dermed Halfdan Emil Færø sin rekord frå 16. mars 2013 med seks sekund. Dei to lokale storløparane hadde ein flott kamp. Halfdan Emil gjekk i teten ut frå start, i stort tempo. Bortover langs vågen tok Kvamme teten, med Færø rett bak. Den første kilometeren gjekk unna på raske 2.43.

Halfdan Emil Færø i teten ut frå start. Svein Roar Kvamme følgjer like bak, vidare Magnus Johan Færø (42), Jo Harald Færø (34), Grethe Jørgensen (6), Egil Opsal /67)Idar Odland (84) og Harald Marthinussen (80).

Etter at halve løpet var unnagjort fekk Kvamme ei lita leiing, og 300-400m seinare rykte han frå og kom i mål ti sekund før den gamle rekordhaldaren.  Med tida 6.08 gjorde Halfdan Emil eitt av sine beste løp i karusellen.

PÅ REKORDJAKT: Kvamme sjekkar tida i det han passerer målstreken.

Forholda under løpet var fine med tørr veg og 13-14 varmegrader. Men heilt ideelt var det ikkje med ein austavind som kom med enkelte kraftige kast.

­– Under oppvarmingsrunden syntest eg det var litt tungt utover langs vågen mot brua, men under sjølve løpet merka eg ikkje vinden særleg. Då gjekk det mykje lettare, sa Kvamme rett etter løpet.

Kvamme er tydelegvis i svært god form, for vel ei veke sidan sette han solid ny personleg rekord på 5000m med 14,46,81 i eit sololøp under kalde forhold i Arna.

STERKT LØP: Halfdan Emil spring inn til 6.08 og andreplass, eit av dei beste løpa hans på Eikanger.

På plassane etter Kvamme kom tre blad Færø. Halfdan Emil på andreplass, Jo Harald Færø på 3. plass og Magnus Johan på 4. plass. Sterke løp av heile gjengne. Jo Harald tangerte bestetida si på 6.27 frå november 2002, så han har tydelegvis tenkt å koma i storform til han vert veteran etter nyttår.

TANGERTE REKORDEN SIN: Jo Harald Færø tangerte den nesten 15 år gamle personlege bestetida si i karusellen med 6.27. 

Kvamme debuterte i vinterkarusellen i løpet 6. mars 2010 der han på vinterføre vann på 6.52. Han vann også siste løpet den sesongen med sterke 6.33. Sigeren hans no sju og eit halvår seinare var niande gongen han var raskast rundt Eikanervågen. 

I FRAMGANG: Bertine Helene Færø sprang på 7.39, langt betre enn i førre sesong. Ho var raskaste kvinne for 22. gong.

Raskaste kvinne var også ei av Færø-gjengen. Bertine Helene noterte med 7.39 den beste tida si på lenge, 17 sekund raskare enn i fjor. Ei som også har trena godt i sommar er Grethe Jørgensen som med 7.59 for første gong kom under åtte minuttar i karusellen. Ho var 16 sekund raskare enn i fjor.

PERSONLEG REKORD: Grethe Jørgensen kom med 7.59 under 8-minuttarsgrensa for første gong.

Deltakinga i den første karusellen denne sesong var svært god, med heile 115 startande. Berre ein gong før har det vore fleire. Det var i det første løpet hausten 1985 med 120 deltakarar – under den første store joggebølgja.

GOD SESONGSTART: Med tida 7.30 var Harald Marthinussen 15 sekund raskare enn i førre sesong.

To unge gutar som sette fine nye personlege rekordar i karusellen var 12-årige Johannes Hopland med 8.18 og 11-årige Idar Odland som med 8.59 for første gong kom under ni minuttar. Sterkt løp av 13-årige Sunniva R. Eidsnes som med 10,03 betra seg med halvminuttet. 

RASK 13-ÅRING: Johannes Hopland sette personleg rekord med 8.18.

RASK 11-ÅRING: Idar Odland smaug seg med 8.59 under ni minuttar for første gong.

Heile 61 deltakarar sprang på tid og alle kom i mål på under 15 minuttar. Halvparten av dei var til og med under 10 minuttar. Flott gjort!

Neste karusell på Eikanger går alt laurdag 4. november. Deretter vert det løp kvar tredje laurdag før jul.

FLOTT GJENG: Spurtar mot mål. Frå venstre: Silje Nes Sjursen, Mie Aurora Leirvåg Carlsen, Ingrid Haldorsen og Camilla Hauge. Rett bak dei kjem Gustav Ansnes Færø og Mette Ansnes.

Vinterkarusell 2017-18, 1. løp.
Eikanger 21. oktober 2017
Arr.: Eikanger IL

Fint ver, austavind,  + 12-13° C. 

«Brua rundt», ca. 2 150m
1. Svein Roar Kvamme            5.58
2. Halfdan Emil Færø            6.08
3. Jo Harald Færø            6.27
4. Magnus Johan Færø            6.52
5. Bjarte Eikanger            7.16
6. Harald Marthinussen            7.30
7. Bertine Helene Færø            7.39
8. Bjørnar Eidsheim            7.45

SPURTDUELL: Kristoffer Hopland (82) og Thomas Rønn-Aar kjempa heilt til mål og fekk same tida.

9. Kristoffer Hopland            7.46
9. Thomas Rønn-Aar            7.46

11. Grethe Jørgensen            7.59
12. Daniel Gjelsvik            8.04
13. Johannes Hopland            8.18
14. Einar Skrede            8.21
15. Theodor Rønn-Aar            8.29
16. Alf Fjellstad            8.36
17. Egil  Opsal            8.42
18. Amalie Kallestad            8.44
19. Brynjar Nordanger            8.55
20. Idar Odland            8.59

21. Are Flekke            9.04
22. Valentina Dimitrova            9.07
23. Yngve Gjelsvik            9.21
24. Kirill Eikanger            9.28
25. Arve Henningsen            9.36
26. Gunnar Hauge            9.37
27. Aase Midtgaard Skrede            9.42
28. Stina Nes Sjursen            9.46
29. Frode Sjursen            9.54
30. Merethe M. Odland            9.58

31. Terje Eidsnes            10.00
32. Nikolai Færø            10.02
33. Sunniva R. Eidsnes            10.03
34. Ida Herland Sæthre            10.11
35. Nils Rune Sæthre            10.12
36. Adrian Hansen Toft            10.16
37. Geirmunn Aarland            10.19
38. August Rønn-Aar            10.24
39. Jan Kårbø            10.35
40. Valborg Nes            10.37

41. Olai Nepstad            11.05
42. Magnar Taule            11.23
43. Sverre Solberg            11.27
44. Sondre R.  Eidsnes            11.48
45. Elias Mosland            11.50
46. Anders Eidsnes            11.51
47. Anna Ansnes Færø            12.07
48. Bjørn Mo            12.17
49. Daniel Norheim            12.17
50. Camilla Hauge            12.29

51. Ingrid Haldorsen            12.33
52. Silje Nes Sjursen            12.33
53. Mie Aurora Leirvåg Carlsen            12.34
54. Mette Ansnes            12.36
55. Gustav Ansnes Færø            12.36
56. Trude Austrheim            13.04
57. Heine Hauge            13.06
58. Silje Falkanger Dobie            13.07
59. Karl Ole Hauge            13.16
60. Helga Marit Færø            14.02
61. Trine Rønn-Aar            14.25

Utan tid
Jan-Ivar  Berge, Marte Reigstad Clausen, Ingeborg Reigstad Danielsen, Lene Reigstad Danielsen, Ernst Ove Eide, Leiv Eidsnes, Miriam R. Eidsnes, Frida Eikanger, Hugo Eikanger, Magnus Elvik, Liv Enes, Olav Enes, Jan S. Fyllingsnes, Venke Fyllingsnes, Kari Haldorsen, Kjersti Haldorsen, Aron David Hauge, Arvid Hauge, Nansy Hauge, Sofie Haugland Hauge, Stanley  Hauge, Wigdis Haugen, Solveig Villanger Haugland, Steinar Haukås, Sølvi Iren Haukås, Benjamin Helgesen, Jonathan Helgesen, Sebastian Helgesen, Alis Hellevang, Katrine Hopland, Torunn Hopland, Alf  Høyland, Margrethe Høyland, Bjarte Larssen, Gunnar A. Larssen, Inge Leknes, Awiar Mawlannajad, Leila Mawlannajad, Saia Mawlannajad, Sarina Mawlannajad, Tahir Mawlannajad, Cecilie Beate Mosland, Jonathan Mosland, Gerd Nævdal, Leon Berge Pettersen, Mathias Berge Pettersen, Susanne Rebnord, Tony Thorsen, Grethe Titland, Liam Hansen Toft, Monica Toft, Åge  Toft, Ingrid Rebnor Ådnanes, Martin Ådnanes           

Neste løp: Laurdag 4. november kl. 15.00

Tekst og foto: Stanley Hauge

REKORDJUBEL: Svein Roar Kvamme jublar over ny rekord alt før han er i mål. Han hadde god sekundering.